Paroles: Canta U Populu Corsu. Canti Di A Terra E' Di L'Omi. Piscaia.

Sunatu he lu primu toccu
Lu terzu cu lu secondu
Ma nun lu ci vecu
Lu me frisgiatu culombu
Forse si sara ascosu
Sott'a le fronde di l'olmu

Quale si pruminara
In piazza a la nostra ghjesgia
Cu la so canna a la manu
E la so sigara accesa
Chi la soia la trinnata
In paese era difesa

A dumenica da mane
A u son di a campanella
Falanu le giuvanotte
Sottu la sacra cappella
Ma un la ci vecu in locu
O la mio talla nuvella

O Pisca lu nostr'amore
Oghje s'he firmatu in piantu
Dicenu ch'o un pienga piune
Aghju lu me core frantu
D'avemmine da scurda
D'unu ch'o l'amava tantu