Paroles: Canta U Populu Corsu. Théâtre De La Ville. Arrietta.

Quand'ella canta in me quell'aria languente
Naviga in dolci mari la me fantesia
Di l'albe chi un sa piu risplende la magia
Tutta la giuventu si leva e m'he prisente

Correnu dananzu a l'ochji meravigliati
Catene di monti turchini a l'infinitu
Pinete e valdi cupi e machjetu fiuritu
Calanche e scogli da lu mare flagilati.

Scopru a li fianchi d'una sarra appiticate
Accolte a brada cume capre in lu piazzile
Di tondu a la chjesola cu lu campanile
Casarelle di petra nuda musgingate.

E l'ora calma induve lu cansa lu ghjornu
A campanella chi chjocca l'Ave Maria
I campagnoli sparsi invitu a lu ritornu
A banda di le sgiotte affulena la via.

U sole s'he ciuttatu una ghitarra sona
Un'ardita brunetta affacca a lu purtellu
E lampa un carofulu rossu a lu zitellu
Innamuratu chi li canta la canzona