Paroles: Davide Van De Sfroos. Brèva E Tivàn. La Nòcc.

I henn scia i fantasmi cun't i reumatismi
i henn scia i vampiri senza deenc
l'e scia la nocc cun't el maa de crapa
che la va a durmi trada gio in so el laagh?

I henn scia i barboni cun la facia strascia
e i cartoni per quatass el cuu
hann tiraa foe tucc i so ricordi
e i hann brusaa per sculdass i man?

I henn scia i taxisti cun la facia gialda
e i caramba cun la facia bloe
i henn scia i suldaa cun la giaca verda
vann tucc insema a resega i tusann?

L'e ruvada la nocc?cun la sua butega ruta
la sua umbrela sgavezzada
e l'umbria senza i vestii?

L'e scia la mummia cun la pancera
e l'arcangel cun l'afregiuu
l'e scia la stria in soe la mutureta
l'e scia anca el diavul a paga de beev?

I henn scia i playboy senza gnaa una dona
i henn scia anca i donn cun scia duma un buceer
hann faa amicizia in soe 'na Panda Sisley
dal finestren l'e gulaa foe un guldon?

I henn scia anca i foe i ladri e i assassen
i vagabondi e i foe de coo
ma per stasira i vaarden soe la loena
l'e mea sira per cupa o crepa?

L'e ruvada la nocc? negra cume un cuperton
sigaretta smurzada?
trada la suta un lampion?