Paroles: Patent Ochsner. Seemanns Wärmuet.

jitz isch dä summer verby
chuum isch's häu nachtet's y
han e chnüppu im nastuech
I vergisse di nid
schütte wärmuet i schwärmuet
chly vo disem & chly vo däm
fülle mir d lampe & lääre mi uus
di ganzi schtadt het dr giub
ligt schyntoteschtill
dr gross bahnhof isch zue
& we ke sou wyt & breit
e chly mitleid het
muesch sogar das
no säuber mache
syt däm tag won I ändlech furt bi vo dir
git's ke ort won I lieber wär
syt däm tag won I ändlech furt bi vo dir
git's ke ort won I lieber wär
I gah vom räge i trouf

& gah vor pfanne i ds füür
han e luun wie ne tag im april
ja, di rytet dr tüüfu
& du hesch haar uf de zäng
& I weiss, I bi nid besser als du
villech chunnt zyt, chunnt rat
& was schief louft wird grad
& plötzlech git eis & eis zwöi
schön wär's, aber I gloube nümm dra
I ha meh gschirr verschlage
als I je gschirr ha gha
syt däm tag won I ändlech furt bi vo dir
git's ke ort won I lieber wär
syt däm tag won I ändlech furt bi vo dir
git's ke ort won I lieber wär