Paroles: Peste Noire. D'un Vilain.

Dient dyable : " Il n'i a el,
Toz jors tient Dieu ceste riote :
Un vilain symple, un ydiote
Aimme assez mielz, c'en est la some,
Qu'un soutil clerc ne c'un sage home.
Ces folz agrestes, ces senglers,
Ces vilains a ces durs sollers
Aimme assez mieulz que roys ne dus.
Plus mainne Diex ou ciel lassus
De vilains a blanches chappetes,
De veves fames, de viellettes,
De mesiaux, de tors, de crocu,
De contrefais et de bocus
Qu'il ne face de bele gent.
Li fort, li preu, li bel, li gent,
Les beles dames de grant pris
Qui trainant vont vair et gris,
Roys, roynes, duc et contessez
En enfer viennent a granz pressez,
Mais ou ciel vont pres tout affait
Tort et bocu et contrefait.
Ou ciel va toute la ringaille :
La grain avons et Diex la paille "