Paroles: Qntal. Unter Der Linden.

Under der linden
an der heide,
da unser zweier bette was
da mugent ir vinden
schone beide
gebrochen bluomen unde gras.
Vor dem walde in einem tal,
tandaradei,
schone sanc diu nahtegal.

Ich kam gegangen
zuo der ouwe:
Do was min friedel komen e.
da wart ich enpfangen,
here frowe,
daz ich bin saelic iemer me.
Er kuste mich wol tusentstunt,
tandaradei,
seht wie rot mir ist der munt°

Do het er gemachet
also riche
von bluomen ein bettestat.
Des wirt noch gelachet
innecliche,
umt iemen an daz selbe pfat.
Bi den rosen er wol mac,
tandaradei,
merken wa mirz houbet lac.

Daz er bi mir laege,
wessez iemen
nu enwelle got!, so schamt ich mich.
Wes er mit mir pflaege,
niemer niemen
bevinde daz, wan er und ich,
und ein kleiner vogellin:
tandaradei,
daz mac wol getriuwe sin