Paroles: Surghjenti. Grana Di Vita. A Mossa.

S'he mossu un vichjuleddu una mattina da cul'ansu
Dicia so tantu fieru d'essa incu te o ghjuventu
A circustanza chjama e s'idda chjama ancu di piu
Se forza e curaghju u supranu mi voli lascia
prontu mi truvaraghju par u sustegnu e par pruva

Chi ghjenti senza pinseri oghji ind'e no un ci n'he piu
Ghjenti senza pinseri un ci ne sara mai piu

Cusi dicia u vechju chi vistu n'avia tanti piu
So certu chi parechji in u me rughjonu inssu
Dicini chi so pazzu d'essa incu te o ghjuventu
Ma so chi tu vol'essa u versu ch'iddi un ani piu
E ne so be cunvintu chi a piu sana, oghji si tu

E ch'ha fattu manera e ti ringraziu o ghjuventu
Ghjenti senza pinseri un ci ne sara mai piu

Populu m'a intesu e si oghji u turmentu he di piu
Segnu chi u casticu ha resu vita a i to virtu
Si biotani i paesi quandu a cundanna a ghjuventu
Si biotani i paesi e eccu una prova di piu
Chi a mossa s'he stesa e com'idda mi dici tu

Chi ghjenti senza pinseri oghji ind'e no un ci n'he piu
Ghjenti senza pinseri un ci ne sara mai piu