Paroles: Surghjenti. Orma. Esilii Di U Piali.

E s'e no' ci ghjuchessimu
A sfrumbula ci l'anni
Par supra a l'Alta Rocca
Duv'iddu trizinighja
Un ventu di calcina ?

A cita andaria
In cima a i sonnia
Eu mi vistaria
Cun i linzola di issu tempu
E centu spoglii amati
Un ci poni di nunda
Di cio chi m'aspetta
A l'orlu di issa vita.
Bilanciu di a cursa
A u tempu arresu
Parchi ripidda fiatu
Chi tarra un ci ne he piu ?

Vicu un filu d'arghjenti
Cudda in a mimoria
Una sponda scurdata
Nantu a un schiffu spaccatu :
Sarani stati mea
Issi ghjorna chi un so piu ?

L'isuli si so lampati
Com'e casci asciutti
Alzati ad una ad una
Cascati ad una ad una.
Pruvonu milli volti
A canta mi l'arrietta
Caduta in a cunchilia
Ch'eu vurristi svighja
Ma he chjuccuta a notti.