Paroles: Surghjenti. Orma. Quali Hè Chì Sà ?.

Quali he chi sa, com'idda nasci
Com'idda sta, com'idda pasci
Com'idda pesa o si ni vola
Com'idda ghjoca, e si vultola
E dici dolu o alegria
A noscia vechja puesia.

Quali he chi sa duv'iddu porta
U passa e vena di a sporta
Da u me cori spatansciatu
A u to sintimu addinatu
Da a me penna in chjostru beddu
A l'indrizzu sempri quiddu

Quali he chi sa chi u nosciu scrivi
Un sia ma' che modu vivi
U veru fiatu e u rispiru
U solcu fattu a tondu ghjiru
Da aiuta ci a scurda l'anni
E a guari mezu l'affanni

Allora scrivi e di li a u celi
I centu versa di u to vangeli
Issi tema tinti a u pinneddu
Scelti e parolli a u criveddu
Da allibra la via via
Quidda nustrali puesia.