Paroles: Surghjenti. Orma. Un Natali D'altrò.

Una volta dino in u celu stiddatu
Chjuccara a ciccona in segnu d'alegria
Pa impara a u mondu chi u bambinu he natu
Purtendu cu a gioia, a grazia e l'armunia

I cari criaturi in un sonniu nucenti
A u dulci calori di u cippu di Natali
Aspittarani a veda cu un sguardu lucenti
Chi un magu li purtessi i piu beddi rigali

A notti scurrara in a casa serena
Tuttu sara dulcezza, tuttu sera amori
Ma in un cantu di u mondu pa d'altri animi in pena
Un sarani che guai, dolu e crepacori

Ripiddu
Forsa un ghjornu natali sara segnu di paci
Forsa si pisara un alba di spiranza
Forsa pudara fa chi a guerra si taci
E chi u mondu sanu cunnosci a fratiddanza

Cula quanti urfaneddi fighjularani u celi
No par senta canta chi u bambinu he natu
Ma se a morti ceca i cuprara d'un veli
Cusi voli u distinu in issu locu dannatu !

I mughja di u cannonu sarani i so cumpagni
U cippu di natali una casa usciata
Una fitta di pani pa fa cissa i lagna
E pa un tintu avvena, una vita straziata

Cula quanti urfaneddi bramarani un surrisu
Quiddu di una mamma chi li staria a latu
E cula quantu sguardi ricircarani un visu
Oramai sparitu ma mai sminticatu