Paroles: Surghjenti. Orma. Un Sguardu.

Ancu eu, com'e te fughjivu a mezu a i machji,
Circhendu un altru impachju, senza mai rifiata.
Tiniu, com'e te, petri in ugni bunetta
E qualchi lebbiu soldu, trusso di i puvaretti.
Eru ancu eu, com'e te, scuffulendu pa un nienti
A sbuccia in risi e pienti, e in bracciu rivulta !

Tandu, eu, com'e te, nanzi di parta in scola
Ciutaiu in i me sicreta senza pona parolla.
E allegru, com'e te, a nascita di brama
A l'assaltu 'lli ripi pa codda i fiora a mamma.
Chjappaiu stretti e scaffi, iddi, erani fidi
A salva mi, d'un scontru, puri d'un sguardu infidu.

Eramu com'e vo', sbandati, in issu mondu
E pa un perda chjassu, battiamu circondu.
Eramu, tali un lottu, posti a u stessu chjassu
Ancu, i nosci passa pudiani racunta si.
Eramu com'e vo' lestri, quant'e saietti
A calvia in i lenzi, baruffa in i piazzetti

Gudiamu com'e vo', incirniati d'affettu
Chi a famidda, vardaia, tali u santu rispettu
Quandi oghji com'e no', vi vicu scruta l'ondi
Vi risentu smuniti incu voscu mi cunfondu
Cusi tengu in me, i piu savii dilitti
Darani a i mimori, grani pa d'altri scritti.